*लोक विकास महाआघाडीचा विजय निश्चित करणारी माजी मंत्री मलिक यांची सभा*
अंबाजोगाई (प्रतिनिधी)
अंबाजोगाई नगरपरिषद निवडणुकीत राष्ट्रवादी काँग्रेस पार्टी (अजित पवार गट), राष्ट्रवादी काँग्रेस पार्टी शरदचंद्र पवार, समाजवादी पार्टी, रिपाइं आठवले गट, महाराष्ट्र नवनिर्माण सेना, रिपाइं गवई गट, युवा आंदोलन, बेटी बचाव अभियान तसेच विविध मित्र पक्ष आणि संघटना पुरस्कृत लोक विकास महाआघाडीच्या नगराध्यक्ष तसेच शहरातील १५ प्रभागातील उमेदवारांच्या प्रचारार्थ रविवार, दि.३० नोव्हेंबर रोजी राज्याचे अल्पसंख्यांक विकास व औकाफ, कौशल्य विकास व उद्योजकता विभागाचे माजी मंत्री नवाब मलिक यांची जाहीर सभा आयोजित करण्यात आली होती. या सभेला सदर बाजार चौक परिसरातील ४ प्रभागातील ज्येष्ठ नागरिक, युवक मोठ्या संख्येने उपस्थित होते. सभेसाठी अल्पसंख्यांक मुस्लिम समुदायासह सर्वधर्मीय समाज बांधव प्रचंड संख्येने उपस्थित होती. अत्यंत सुंदर व दिमाखदार नियोजनामुळे हि सभा लोक विकास महाआघाडीचा विजय निश्चित करणारी ठरली आहे.
यावेळी व्यासपीठावर प्रमुख मार्गदर्शक म्हणून महाराष्ट्र राज्याचे अल्पसंख्यांक विकास व औकाफ, कौशल्य विकास व उद्योजकता विभागाचे माजी मंत्री नवाब मलिक तर सभेच्या अध्यक्षस्थानी ज्येष्ठ नेते गफार भाई हे होते, तसेच व्यासपीठावर लोक विकास महाआघाडीच्या नगराध्यक्षपदाचे उमेदवार राजकिशोर मोदी तसेच शहरातील प्रभाग क्रमांक १२ आणि १३ मधील उमेदवार यांच्यासह माजी आमदार पृथ्वीराज साठे, डॉ.नरेंद्र काळे, हारूणभाई ईनामदार, गफार खान पठाण, रिपाइंचे महेंद्र निकाळजे, डॉ.राजेश इंगोले, विशाल विजयकुमारजी जाजू, ऍड.दयानंद लोंढाळ, राजूसेठ, राजेंद्र मोरे, हाजी खालेक, खय्युम काझी, शेख मोईन, रौफ बिल्डर, राजपाल जावळे, अकबर पठाण, मिठूभाई, दौलतभाई, विशाल घोबाळे, अशोक पालके, रशीदभाई, अंकुश ढोबळे यांची प्रमुख उपस्थिती होती. प्रारंभी गफार खान पठाण, डॉ.राजेश इंगोले, राजेंद्र मोरे, ऍड.दयानंद लोंढाळ, महेंद्र निकाळजे, अशोक पालके यांची समायोचित भाषणे झाली. यावेळी बोलताना प्रमुख मार्गदर्शक म्हणून महाराष्ट्र राज्याचे अल्पसंख्यांक विकास व औकाफ, कौशल्य विकास व उद्योजकता विभागाचे माजी मंत्री नवाब मलिक यांनी सांगितले की, उपमुख्यमंत्री अजितदादा हे शब्दाचे पक्के नेते आहेत. दादांनी अंबाजोगाईच्या विकासासाठी सर्वोतोपरी सहकार्य व मदत करण्याचे आश्वासन त्यांनी दिले आहे. तसेच निधी कमी पडू देणार नाही असा शब्द दिला आहे. तेव्हा अंबाजोगाईतील मुस्लिम समुदायाने कोणाच्या ही भुलथापांना बळी न पडता पापा मोदींच्या पाठीशी उभे रहावे. कारण, पापा मोदी यांनी लोक विकास महाआघाडीच्या जाहीरनाम्यात अल्पसंख्यांक मुस्लिम समुदाय व सर्वधर्मिय समाज बांधवांसाठी विविध विकास कामे पूर्ण करण्याचा संकल्प केला आहे. मागील ३० वर्षांपासून मोदींवर जनतेचा विश्वास आहे. अंबाजोगाईची जनता त्यांना आशीर्वाद देत आहे. मागील चार वर्षांत प्रशासकाच्या माध्यमातून काम करणारांनी काहीच विकास केला नाही. हे आपण पाहिले आहे. विरोधक हे मेड इन चायना आहेत. साहब चाइना का माल बहुत खास होता है । अगर यह अच्छे से चल गया तो चाँद तक नहीं तो शाम तक ! इसकी कोई गारंटी-वारंटी नहीं होती । वैसे ही हमारे सामने के विरोधक है, चला तो चाँद तक, नहीं तो शाम तक. परंतु, आपले पापा मोदी हे चांद तक चालणारे बावनकशी सोन्यासारखे नेतृत्व आहे. विरोधक हे स्वतःच्या जवळच्या लोकांचे झाले नाहीत. तर ते जनतेचे काय होणार..? असा सवाल करून अंबाजोगाईतील रस्ता, नाली, वीज, उद्यान, बगीचा, क्रिडांगण, स्वाराती रूग्णालय या सर्वांसाठी निधी उपलब्ध करून देण्यात येईल. चांगल्या सुधारणा करूत. असे माजी मंत्री मलिक म्हणाले. तर यावेळी बोलताना माजी आमदार पृथ्वीराज साठे यांनी समोरचे विरोधक यांनी विकास कामे केली नाहीत. तर विधानसभा निवडणुकीत मते दिली नाहीत म्हणून या भागातील रस्ता रूंदीकरण करताना गोरगरीब जनतेची राहती घरे, दुकाने जमीनदोस्त करून छळण्याचेच काम केले. असे सांगून त्यांनी त्यांच्या आमदारकीच्या कार्यकाळात केलेल्या कामांची माहिती दिली. व लोक विकास महाआघाडीच्या ‘कपबशी’ला मतदान करण्याचे आवाहन केले. यावेळी बोलताना हारूणभाई ईनामदार यांनी ही पापा मोदी हे आठरापगड जातीधर्मासाठी काम करीत आहेत. अंबाजोगाईचा चेहरा मोहरा बदलण्याचे काम मोदी हेच करू शकतात. त्यामुळे अंबाजोगाईकरांना पापा मोदींचेच नेतृत्व पाहिजे आहे तेव्हा मोदींना अंबाजोगाईतील अल्पसंख्यांक मुस्लिम समुदायाने प्रचंड मतांनी निवडून द्यावे असे आवाहन ईनामदार यांनी केले. प्रारंभी सभेचे आयोजक मोईन शेख व रौफ बिल्डर यांनी मान्यवरांचे स्वागत केले.
*अंबाजोगाई में पापा मोदी की, हवा तेज है..!*
अंबाजोगाईतील भाईचारा, गंगा-जमुनी तहजीब जिवंत ठेवण्यासाठी पापा मोदींचे नेतृत्व पाहिजे, पापा मोदींमुळे अंबाजोगाईत मुस्लिम समुदाय सुरक्षीत आहे. त्यांना शिक्षण, रोजगार, तरूणांना बँकेमार्फत उद्योग व्यवसायासाठी कर्ज, सर्व सोयी सुविधा उपलब्ध होत आहेत. क्या वजह हैं की, लोग आज भी पापा मोदी के साथ खडे है. क्योंकी, मोदी यह उसूलो पे चलने वाले नेता है. ते सर्व जाती धर्मासाठी, सर्वांना एकत्रितपणे सोबत घेऊन काम करतात. बिन मौसम बरसात होने वाली नही है, इसलिए छाते की, जरूरत नहीं है असे सांगून माजी मंत्री मलिक यांनी अंबाजोगाई में मोदी की, हवा तेज है, इसलिए आप वोट दिजीए हम आप को साथ देंगे यह हमारा वादा हैं असे मलिक यांनी आवाहन केले. जाहीर सभेसाठी अंबाजोगाई शहरातील विविध प्रभागातून ज्येष्ठ नागरिक, युवक, महीला व लोकविकास महाआघाडीचे सर्व मित्र पक्ष, संघटना यांचे पदाधिकारी व कार्यकर्ते प्रचंड संख्येने उत्स्फूर्तपणे वाजत गाजत, घोषणा देत सभास्थळी पोहोचले. सभेचे सुञसंचालन शेख मोईन यांनी केले. तर उपस्थितांचे आभार रौफ बिल्डर यांनी मानले.
*अल्पसंख्यांक मुस्लिम समुदायासह सर्वधर्मीय समाज बांधवांच्या हिताचे काम करणार : पापा मोदी*
अंबाजोगाईतील जनतेने माझ्यावर ३५ वर्षांपासून विश्वास टाकला आहे, मी कधीही जाती-पातीचे राजकारण केले नाही. आम्ही कायमच संविधानाचा आदर करून सामाजिक सलोखा जपला आहे. डॉ.बाबासाहेब आंबेडकरांनी देशाला दिलेल्या संविधानाचा वेळोवेळी गौरव केला आणि या मूल्यांचे आम्ही कधीच विस्मरण होवू देणार नाही, असे त्यांनी स्पष्ट केले. या शहराने कायमच सामाजिक सलोखा जपला आहे असे सांगितले. विरोधक मागील ३७ वर्षे आमदार, मंत्री म्हणून सत्तेत आहेत. परंतु, त्यांनी अंबाजोगाईचा काहीच विकास केला नाही. तरूणांना रोजगार दिला नाही. त्यांना सिमेंट रस्ते व नाल्यांच्या कामात कमिशन खाणे हाच विकास वाटत आहे. अशा परखड शब्दांत पापा मोदी विरोधकांचा समाचार घेतला.
*राजकिशोर मोदी यांच्यासह लोक विकास महाआघाडीच्या ‘कपबशी’ला मतदान करण्याचे आवाहन :*
निवडणुकीचा उल्लेख करीत मलिक यांनी मतदारांना आवाहन केले की, तब्बल ४ वर्षांच्या प्रतीक्षेनंतर ही निवडणूक होत आहे. या शहरात आमचे राजकिशोर मोदी हे सर्वांना हवे-हवेसे वाटणारे उमेदवार आहेत. मोदींनी आतापर्यंत सर्व समाज घटकांना न्याय दिला आहे. मोदींकडे राजकीय इच्छाशक्ती आहे. पापा मोदी हे विश्वासाचे नांव आहे, अंबाजोगाईत शांतता, एकोपा, सामाजिक सलोखा, सौहार्द व विकास प्रक्रिया कायम ठेवण्यासाठी विरोधकांच्या कोणत्या ही भुलथापा, प्रलोभन यांना बळी न पडता पापा मोदी व लोक विकास महाआघाडीच्या पाठीशी आपण भक्कमपणे उभे रहावे, अजितदादांची संपूर्ण ताकद मोदींच्या सोबत आहे. यापुढील काळात राज्य सरकारच्या वतीने व पापा मोदींच्या माध्यमातून अंबाजोगाईला भरीव निधी देवूत, आपल्या विश्वासाला आम्ही तडा जावू देणार नाही. बारामतीच्या धर्तीवर अंबाजोगाईचा सर्वांगिण विकास करू, म्हणून राजकिशोर मोदी यांच्या मार्गदर्शनाखाली लोकविकास महाआघाडीच्या सर्व उमेदवाराना प्रचंड मताधिक्याने विजयी करण्याचे आवाहन माजी मंत्री मलिक यांनी केले.
About the Author
