सार्वजनिक रस्त्यावर दुकानाच्या समोर सामान लावून वाहतुकीस अडथळा निर्माण करणाऱ्या दुकानदार यांच्यावर गुन्हा दाखल*

अंबाजोगाई प्रतिनिधी :– शहरातील वाहतूक व्यवस्था सुरळीत राहावी यासाठी अंबाजोगाई पोलिसांनी उचललेले पावले आता प्रत्यक्ष कृतीत उतरू लागले आहेत. अंबाजोगाईचे .पोलीस निरिक्षक शरद जोगदंड यांच्या प्रयत्नांमुळे रस्त्यांवर जनतेला होणार्या त्रासापासून दिली मुक्ती

बीड जिल्ह्याचे पोलीस अधीक्षक नवनीत काँवत यांनी अलीकडेच अंबाजोगाईत जनसंवाद कार्यक्रम घेतला होता. या कार्यक्रमात शहरातील नागरीकांनी वाहतुकीशी संबंधित अडचणी मांडल्या होत्या. याची गांभीर्याने दखल घेत पोलिसांनी दोन महिन्यांपासून दुकानासमोरील अतिक्रमण, अनधिकृत वाहनतळ आणि हातगाड्यांवर सूचना देण्याचे सत्र सुरू केले होते.

गुरुवारी (७ ऑगस्ट) शहरातील मुख्य रस्त्यावर अडथळा निर्माण करणाऱ्या आज दिनांक ०७/०८/२०२५ रोजी पोलीस निरीक्षक जोगदंड, पोह/१४८५ वडकर, पोअं/८९० चादर यांनी सार्वजनिक रस्त्यावर दुकानाचे सामान, फळगाडे लावुन सार्वजनिक वाहतुकीस अडथळा करणारे दुकानदार १) चंदनकुमार नरेशरांय यादव रा. सिबर जिल्हा राज्य बिहार ह.मु. बस डेपोच्या समोर अंबाजोगाई २) कुरेशी इमरान इब्राहीम रा. दमगामपुरा रविवार पेठ अंबाजोगाई ३) बालाजी चंदन भुजंगे रा. गवळीपुरा अंबाजोगाई ४) जुनेद हमीद शेख रा. बागवान गल्ली अंबाजोगाई ५) जावेद अब्दुल बागवान रा. भिमाईनगर अंबाजोगाई यांचे विरुध्द पोलीस स्टेशन अंबाजोगाई शहर येथे पोह/१४८५ वडकर यांनी दिलेल्या फिर्याद वरुन ३९७/२०२५ कलम २८५ भारतीय न्याय संहीता प्रमाणे गुन्हा दाखल केलेला आहे. भविष्यात सार्वजनिक वाहतुकीस, जन सामान्यास येण्याजाण्यास अडथळा करणारे दुकानदार, हातगाडे, वाहन चालक, यांचेवर कडक कार्यवाही करण्याचे संकेत दिलेले आहेत.

दुकानदारांविरुद्ध गुन्हा दाखल करण्यात आला आहे. पोलीस निरीक्षक शरद जोगदंड, पो हवालदार वडकर आणि पोलीस अंमलदार चादर यांनी संयुक्त कारवाई करत सार्वजनिक रस्त्यावर अतिक्रमण करणाऱ्या दुकानदारावर कार्यवाही केली.

पोलिसांनी दिलेल्या माहितीनुसार, भविष्यात देखील सार्वजनिक रस्त्यांवर अडथळा निर्माण करणाऱ्या दुकानदार, हातगाडीवाले आणि वाहनचालकांवर कठोर कारवाई केली जाईल.ही कारवाई पोलीस अधीक्षक नवनीत काँवत, अपर पोलीस अधीक्षक चेतना तिडके, सहा. पोलीस अधीक्षक ऋषिकेश शिंदे यांच्या मार्गदर्शनाखाली पार पडली. शहरात वाढत्या वाहतुकीचा भार आणि नागरिकांच्या सुरक्षिततेसाठी केलेल्या या कारवाईचे सर्वत्र स्वागत होत आहे.वाहतूक व्यवस्थेत सकारात्मक बदल घडवून आणण्यासाठी पोलीस निरीक्षक शरद जोगदंड यांचा घेतलेला पुढाकार निश्चितच कौतुकास्पद आहे.