अंबाजोगाई प्रतिनिधी :–
शहरातील प्रभाग क्रमांक पाच मधील अनुसूचित जाती प्रवर्गातून पत्रकार संजय जोगदंड यांचा दावा प्रभावी मानला जातो आहे.कारण या प्रभागातील जनसामान्यांसाठी अनेक समाजपयोगी उपक्रम जोगदंड यांनी राबवले आहेत. जोगदंड यांच्या सामाजिक व सार्वजनिक उपक्रमांची दखल घेऊन त्यांना शहरातील दोन्ही प्रमुख पक्षांकडून विचारणा होत आहे.
प्रभाग क्रमांक पाच मध्ये यावेळी पत्रकार संजय जोगदंड यांच्या विषयी सहानुभूतीची लाट आहे. कारण या ठिकाणी काम करणाऱ्या तरुण उमेदवारास संधी दिली जाणार असल्याची भावना मतदार व्यक्त करत आहेत. पत्रकार म्हणून सामाजिक कार्यात त्यांचे बहुमोल योगदान आहे.शालेय व महाविद्यालयीन विद्यार्थ्यांच्या अडीअडचणी सोडवण्यासाठी ते प्रयत्नशील असतात. दरवर्षी गोरगरीब व सर्वसामान्य कुटुंबातील विद्यार्थ्यांना ते शालेय साहित्य वाटप करतात.कोरोना काळात विविध समाजसेवी संस्थांच्या माध्यमातून गोरगरीब कुटुंबीयांना अन्नधान्याच्या किट वाटप केलेल्या आहेत. शहरातील बहुतांशी शाळांमध्ये प्रवेश घेण्यासाठी हजारी रुपये डोनेशन घेतले जाते. अशा ठिकाणी जाऊन गोरगरिबांच्या विद्यार्थ्यांना मोफत प्रवेश जोगदंड यांनी मिळवून दिला आहे. त्यासोबतच महाविद्यालय असेल,तहसील असेल, पोलीस स्टेशन असेल, नगरपरिषद असेल किंवा इतर कार्यालय असतील या ठिकाणी जाऊन ती कामे प्राधान्याने कमी वेळेत करून दिलेले आहेत. रस्त्यावरचा व हाडाचा कार्यकर्ता म्हणून अन्याय अत्याचार विरोधात त्यांचा लढा आणि संघर्ष सातत्याने सुरू असतो. जयंती समितीचे अध्यक्ष म्हणून बराच काळ ते राहिलेले आहेत. प्रभाग क्रमांक पाच मधील 85 महिलांना साड्या वाटप, गरीबांना दिवाळी फराळ वाटप व इतर सामाजिक उपक्रमात त्यांचा पुढाकार असतो अशा चतुरस्त्र व्यक्तिमत्त्वास या निवडणुकीत संधी देण्याची भूमिका मतदारांनी घेतली आहे.त्यांच्या लोकप्रियतेमुळे राष्ट्रवादी काँग्रेस व भाजपाकडून त्यांना विचारणा करण्यात आलेली आहे. परंतु त्यांनी अध्याप निर्णय जाहीर केलेला नाही. योग्य वेळी योग्य निर्णय घेऊ असे जोगदंड यांनी सांगितले आहे. त्यामुळे त्यांच्या निर्णयाकडे या प्रभागातील मतदारांचे लक्ष लागले आहे.
About the Author
