अंबाजोगाई प्रतिनिधी:- अंबाजोगाई नगर परिषदेच्या निवडणूकित अर्ज मागे घेण्याच्या शेवटच्या दिवशी नगराध्यक्ष पदासाठी आपला उमेदवारी अर्ज दाखल केलेले मुनिर मुसासेठ कुरेशी यांनी आपला उमेदवारी अर्ज मागे घेऊन लोकविकास महाआघाडीचे नगराध्यक्ष पदाचे उमेदवार राजकिशोर मोदी यांना बिनशर्त असा जाहिर पाठींबा दिला आहे. तर श्रीमती ऍड शोभा सुनिल लोमटे यांनी देखील आपला नगराध्यक्ष पदासाठी दाखल केलेला उमेदवारी शुक्रवारी दि २१ नोव्हेंबर रोजी आपला उमेदवारी अर्ज माघारी घेतला.
दि २१ रोजी शेवटच्या दिवशी आपले अर्ज माघारी घेणाऱ्यांमध्ये कुरेशी मुनीर मुसासेठ , सिद्दिकी आरेफ अहेमद जमील अहेमद,
वाघमारे अर्जुन गोविंदराव, गोरे धनेश सोपानराव, कांबळे विजय मारुती, लोमटे शोभा सूनीलराव यांचा समावेश आहे. राजकिशोर मोदी हे गेली तीस वर्षांपासून अंबाजोगाई शहर इमानेइतबारे वासीयांची करत असलेली सेवा व त्यांची शहरवासीयांप्रति निस्सीम प्रेम लक्षात घेऊन मुनिर मुसासेठ कुरेशी यांनीआपल्या कुटुंब व सहकाऱ्यांसह लोकविकास महाआघाडीचे नगराध्यक्ष पदाचे उमेदवार राजकिशोर मोदी यांना जाहीर असा पाठिंबा दिला आहे. मुनिर कुरेशी यांच्या पाठिंब्यामुळे लोकविकास महाआघाडी ही मजबूत व भक्कम पणे शहरवासीयांची सेवा करण्यासाठी यापुढे कार्य करेल असा विश्वास याप्रसंगी राजकिशोर मोदी यांनी व्यक्त केला.
आपली उमेदवारी अर्ज मागे घेतांना मुनिर कुरेशी यांनी सांगितले की जातीवादी राजकारणाला रोखण्यासाठी व अंबाजोगाई शहरात धर्मनिरपेक्ष वातावरण अबाधित राखण्यासाठी तसेच मतांचे विभाजन टाळण्यासाठी आपण आपली नगराध्यक्ष पदासाठीची उमेदवारी माघारी घेत असल्याचे सांगितले. तसेच आपला संपूर्ण कुरेशी परिवार लोकविकास महा आघाडीसोबत संपूर्ण ताकदीने उभा राहिल असे अभिवचन देखील मुनिर कुरेशी यांनी आपला पाठिंबा व्यक्त करतांना सांगितले.
About the Author
