अंबाजोगाई प्रतिनिधी:-
एखाद्या शहराचा विकास केवळ रस्ते, स्वच्छता, पाणीपुरवठा किंवा दिवाबत्तीपुरता मर्यादित नसतो. एका शहराची खरी प्रगती तिथल्या तरूणांना मिळणाऱ्या रोजगार संधींवर, आर्थिक स्थैर्यावर आणि व्यवस्थापनाच्या दर्जावर अवलंबून असते. या सर्व घटकांचा समन्वय साधत अंबाजोगाईला संपूर्ण विकसित शहर बनविण्याचा प्रयत्न राजकिशोर मोदी यांनी सातत्याने केला आहे. नगरपालिकेचे प्रशासन त्यांच्या हातात असताना त्यांनी शहरातील मूलभूत पायाभूत सुविधांवर बारकाईने काम केले. स्वच्छता मोहिमा प्रभावीपणे राबाविल्या, पाणीपुरवठा सुधारला, दिवाबत्तीची व्यवस्था मजबूत केली आणि शहरातील रस्त्यांची स्थिती सुधारण्यास प्राधान्य दिले. एक सक्षम, शिस्तबद्ध आणि विकासाभिमुख नगरपालिका कशी असावी याचे उदाहरण त्यांनी प्रत्यक्ष कामाद्वारे घालून दिले. परंतु, अंबाजोगाईकरांच्या आयुष्यात खरा बदल घडवणारे त्यांचे कार्य म्हणजे रोजगार निर्मिती. शहरातील तरूण – तरूणींना नोकरीची संधी मिळावी यासाठी त्यांनी विविध संस्थांच्या माध्यमातून सातशेपेक्षा जास्त युवकांना रोजगार उपलब्ध करून दिला. एखाद्या तरुणाला स्थिर नोकरी मिळणे म्हणजे त्याच्यावर अवलंबून असलेल्या चार-पाच जणांच्या कुटुंबाचे भवितव्य सुरक्षित करणे. ही मोठी सामाजिक जबाबदारी मोदींनी तत्परतेने सांभाळली. अंबाजोगाईतील शाळा, महाविद्यालये, रोजगाराभिमुख अभ्यासक्रम, अंबाजोगाई पीपल्स बँक, योगेश्वरी पतसंस्था, मल्टीस्टेट संस्था या सर्व ठिकाणी मोदींच्या मार्गदर्शनाखाली मोठ्या प्रमाणात नोकऱ्या उपलब्ध झाल्या. विशेषत: अंबाजोगाई पीपल्स बँकेच्या शाखा राज्यभर विस्तारल्या असून त्या सर्व शाखांची कामगिरी उल्लेखनीय आहे. अनेक तरुणांना मोदींच्या या सर्व संस्थांमधून स्थिर रोजगार मिळाला आणि त्यांच्या आर्थिक उभारीचा पाया मजबूत झाला. एकाच नेतृत्वाने विविध संस्थांचा पसारा वाढवत त्यांना यशस्वीपणे चालवणे आणि त्यातून मोठ्या प्रमाणात रोजगार निर्मिती करणे ही अंबाजोगाईच्या इतिहासात प्रथमच राजकिशोर मोदींच्या माध्यमातून घडले. शहरातील इतर एकाही नेत्याला अशा रोजगारक्षम संस्था उभारून त्या सक्षमपणे चालविता आलेल्या नाहीत. आजही मोदी यांच्या सर्व संस्था सक्षम गतिमानपणे कार्यरत आहेत आणि येत्या काळात आणखी मोठ्या प्रमाणात रोजगार उपलब्ध होतील, असा विश्वास या संस्थांवर अवलंबून असलेल्या हजारो नागरिकांना वाटतो. या सर्व सेवाकार्यात आता मुलगा संकेत यांची साथ राजकिशोर मोदी यांना मिळत आहे. संकेत मोदी यांचे आधुनिक व्यवस्थापन, अद्यावत तंत्रज्ञानाचा वापर आणि स्थिर धोरणे यांच्या माध्यमातून अंबाजोगाईकरांसाठी नवीन रोजगार संधी निर्माण करण्याचा त्यांचा प्रयत्न सुरू आहे. अंबाजोगाईतील तरूणांच्या हातात रोजगाराची किल्ली देत त्यांचे आयुष्य बदलण्याचे मोठे सामाजिक काम राजकिशोर मोदी यांनी केले आहे. शहराच्या विकासदृष्टीला आर्थिक बळ देत, अनेक कुटुंबांना उभारी देत त्यांनी अंबाजोगाईचे भविष्य मजबूत करण्याची भूमिका पार पाडली. याच कामगिरीच्या आधारावर शहरातील जनतेमध्ये त्यांच्याबद्दल आजही दृढ विश्वास असून त्यांचे नेतृत्व अंबाजोगाईच्या प्रगतीसाठी आवश्यक असल्याचे नागरिकांचे ठाम मत आहे.
About the Author
