*अंबाजोगाईच्या सर्वांगीण विकासाचा शब्द मी देतो, तुम्ही लोक विकास महाआघाडीच्या राजकिशोर मोदींसह सर्वच उमेदवारांना विजयी करा – उपमुख्यमंत्री ना.अजितदादा पवार यांचे आवाहन*
*सभेला सर्वधर्मीय जनसमुदायाची प्रचंड संख्येने उपस्थिती*
अंबाजोगाई (प्रतिनिधी)
अंबाजोगाई नगरपरिषद निवडणुकीत राष्ट्रवादी काँग्रेस पार्टी (अजित पवार गट), राष्ट्रवादी काँग्रेस पार्टी (शरदचंद्र पवार), समाजवादी पार्टी, रिपाइं आठवले गट, मनसे तसेच विविध मित्र पक्ष आणि संघटना पुरस्कृत लोक विकास महाआघाडीच्या नगराध्यक्ष तसेच शहरातील १५ प्रभागातील ३१ उमेदवारांच्या प्रचारार्थ सोमवार, दि.२४ नोव्हेंबर रोजी राज्याचे अर्थमंत्री, उपमुख्यमंत्री तथा बीड जिल्ह्याचे पालकमंत्री ना.अजितदादा पवार यांची जाहीर सभा आयोजित करण्यात आली होती. ही सभा रेकॉर्ड ब्रेक झाली. सभेसाठी सर्वधर्मीय जनसमुदायाची प्रचंड संख्येने उपस्थिती होती. अत्यंत सुंदर व दिमाखदार नियोजनामुळे हि सभा लोक विकास महाआघाडीच्या विजयावर शिक्कामोर्तब करणारी ठरली आहे.
यावेळी व्यासपीठावर प्रमुख मार्गदर्शक म्हणून राज्याचे अर्थमंत्री, उपमुख्यमंत्री तथा बीड जिल्ह्याचे पालकमंत्री ना.अजितदादा पवार
तर सभेच्या अध्यक्षस्थानी ज्येष्ठ संपादक प्रा.नानासाहेब गाठाळ हे होते, तसेच व्यासपीठावर लोक विकास महाआघाडीच्या नगराध्यक्षपदाचे उमेदवार राजकिशोर मोदी तसेच शहरातील १५ प्रभागातील ३१ उमेदवार यांच्यासह रमेशराव आडसकर, माजी आमदार पृथ्वीराज साठे, जिल्हाध्यक्ष ऍड.राजेश्वर चव्हाण, राजेसाहेब देशमुख, डॉ.नरेंद्र काळे, बबनराव लोमटे, दत्तात्रय पाटील, कल्याण आखाडे, तालुकाध्यक्ष राजाभाऊ औताडे, रिपाइंचे महेंद्र निकाळजे, समाजवादी पार्टीचे ऍड.शिवाजी कांबळे, मनसेचे सुनील जगताप, तालुकाध्यक्ष अमरराव देशमुख, शेख मुख्तार, दिनकर जोशी, डॉ.राजेश इंगोले, लोक विकास महाआघाडीचे अध्यक्ष ऍड.अनिल लोमटे, विशाल जाजू, राजपाल लोमटे, ऍड.विष्णुपंत सोळंके, गोविंद देशमुख, ऍड.दयानंद लोंढाळ, सुनील वाघाळकर, सतिशराव लोमटे, संजिवनीताई देशमुख, अमृताताई काळदाते, बालासाहेब शेप, अशोक पालके, रशीदभाई, अंकुश ढोबळे, राजवर्धन दौंड, प्रवीण जायभाय तसेच नगरसेवकपदाचे उमेदवार इस्माईल हिरू गवळी, मनोज लखेरा, दिनेश भराडीया, जयश्री पृथ्वीराज साठे, राजश्री अशोक मोदी, संगीता दिलीप काळे, संकेत मोदी, श्रुती अमोल लोमटे, शेख रिजवाना अहेमद, शहेबाज म.फारूख मनियार, लक्ष्मीबाई महादेवराव हेडे, महेश कदम, शेख शिरीन आशफाक, महेश बालासाहेब लोमटे, मालू भगवान जोगदंड, संगीता दाजीसाहेब लोमटे, आकाश जीवनराव कराड, क्रांती श्रेयस गोस्वामी, हिराबाई रमण सोनवळकर, दीपा दाजीसाहेब लोमटे, सय्यद ताहेर अब्दुल गफार, सोनी दत्तात्रय सरवदे, शेख शमीम शेख रहीम, सय्यद बशीरा शफीक, राजपाल संभाजी जावळे, नाजनीन बेगम अकबरखां पठाण, ज्योती विशाल पोटभरे, नजीर उमरदराजखान पठाण, रेखा विलास जाधव, विकास रामकृष्ण काकडे यांची प्रमुख उपस्थिती होती. प्रारंभी माजी आमदार पृथ्वीराज साठे, राजेसाहेब देशमुख, डॉ.नरेन्द्र काळे, बबनराव लोमटे, डॉ.राजेश इंगोले, अमृता काळदाते, शहेबाज म.फारूख मनियार, सुनिल जगताप, राजेंद्र मोरे, ऍड.दयानंद लोंढाळ, मुजम्मील सर यांची समायोचित भाषणे झाली. यावेळी बोलताना राज्याचे अर्थमंत्री, उपमुख्यमंत्री तथा बीड जिल्ह्याचे पालकमंत्री ना.अजितदादा पवार यांनी सांगितले की, मी कामाचा माणूस आहे आणि शब्दाचा पक्का आहे. महाराष्ट्राच्या जनतेने माझ्यावर ३५ वर्षांपासून विश्वास टाकला आहे, मी कधीही जाती-पातीचे राजकारण केले नाही. आम्ही कायमच संविधानाचा आदर करून सामाजिक सलोखा जपला आहे. डॉ.बाबासाहेब आंबेडकरांनी देशाला दिलेल्या संविधानाचा वेळोवेळी गौरव केला आणि या मूल्यांचे आम्ही कधीच विस्मरण होवू देणार नाही, असे त्यांनी स्पष्ट केले. अंबाजोगाई शहराचा उल्लेख करताना ते म्हणाले की, १९६२ साली यशवंतराव चव्हाण साहेबांनी अंबाजोगाई हे नांव दिले आणि या शहराने कायमच सामाजिक सलोखा जपला आहे असे सांगितले. सभेचा अध्यक्षीय समारोप करताना ज्येष्ठ संपादक प्रा.नानासाहेब गाठाळ यांनी सांगितले की, राजकिशोर मोदी हे मायक्रो मायनॅरिटी समाजातील आहेत. विकास प्रक्रियेत शहरातील सर्व समाज घटकांना सोबत घेवून चालण्याचा त्यांचा चांगला गुण आहे. पापा मोदींची अंबाजोगाईत मोठी लोकप्रियता आहे. त्यांचे काम चांगले आहे. त्यामुळे अंबाजोगाईतील जनतेने पापा मोदी व त्यांच्या सर्व सहकार्‍यांना विजयी करावे असे आवाहन प्रा.गाठाळ यांनी उपस्थित जनसमुदायाला केले.
*अंबाजोगाईसाठी ₹१००० कोटी :*
बीड जिल्ह्याच्या विकासावर लक्ष केंद्रित करताना अजितदादा पवार यांनी महत्त्वपूर्ण घोषणा केली. ते म्हणाले, “बीडची रेल्वे आपण सुरू केली आहे.” यासोबतच, स्वामी रामानंद तीर्थ (SRTR) रूग्णालयाच्या विकासासाठी ₹१००० कोटी रूपयांचा निधी टप्प्या टप्प्याने खर्च केला जाईल. स्वाराती रूग्णालयाचे चित्र बदलून टाकू, यामुळे गरीब जनतेला कमी पैशांत उत्तम, दर्जेदार उपचार उपलब्ध होतील, असे आश्वासन त्यांनी दिले. आरोग्य आणि रोजगार या प्रमुख समस्यांवर आपले लक्ष असेल, असे त्यांनी सांगितले.
*राजकिशोर मोदी यांच्यासह लोक विकास महाआघाडीला विजयी करण्याचे आवाहन :*
निवडणुकीचा उल्लेख करीत पवार यांनी मतदारांना आवाहन केले की, तब्बल ४ वर्षांच्या प्रतीक्षेनंतर ही निवडणूक होत आहे. ६५ हजार मतदार असलेल्या या शहरात आमचे राजकिशोर मोदी हे सर्वांना हवे-हवेसे वाटणारे उमेदवार आहेत. मोदींनी आतापर्यंत सर्व समाज घटकांना न्याय दिला आहे. मोदींकडे राजकीय इच्छाशक्ती आहे. पापा मोदी हे विश्वासाचे नांव आहे, अंबाजोगाईत शांतता, एकोपा, सामाजिक सौहार्द व विकास प्रक्रिया कायम ठेवण्यासाठी विरोधकांच्या कोणत्या ही भुलथापा, प्रलोभन यांना बळी न पडता पापा मोदी व लोक विकास महाआघाडीच्या पाठीशी आपण भक्कमपणे उभे रहावे, माझी संपूर्ण ताकद मोदींच्या सोबत आहे. यापुढील काळात केंद्र व राज्य सरकारच्या वतीने व पापा मोदींच्या माध्यमातून अंबाजोगाईला भरीव निधी देवूत, आपल्या विश्वासाला मी तडा जावू देणार नाही. बारामती, पिंपरी चिंचवडच्या धर्तीवर अंबाजोगाईचा सर्वांगिण विकास करू, म्हणून राजकिशोर मोदी यांच्या मार्गदर्शनाखाली लोकविकास महाआघाडीच्या ३२ उमेदवार, ३१ नगरसेवक आणि १ नगराध्यक्ष सर्व उमेदवाराना प्रचंड मताधिक्याने विजयी करण्याचे आवाहन उपमुख्यमंत्री ना.पवार यांनी केले.
*अंबाजोगाईला दहशतमुक्त करण्यासाठी लोक विकास महाआघाडीला आशीर्वाद द्या :*
यावेळी बोलताना राजकिशोर मोदी म्हणाले की, आजची सभा ही केवळ प्रचाराची सभा नाही. तर ही सभा अंबाजोगाईच्या सर्वांगीण विकासाला पाठबळ, आशीर्वाद व नवी दृष्टी देणारी सभा आहे. मी शिव – फुले – शाहू – आंबेडकरी विचारधारा मांडणारा एका छोट्या समाजातील कार्यकर्ता आहे, अंबाजोगाईतील आठरापगड जातीधर्माच्या समाज बांधवांच्या आशीर्वाद व सातत्यपूर्ण सहकार्याच्या बळावर सर्वांना सोबत घेऊन विकासाच्या प्रक्रियेत सामावून घेण्याचा माझा नेहमीच प्रयत्न राहिलेला आहे. अंबाजोगाईच्या विकासासाठी तळमळ असणाऱ्या सर्वांना जपण्याचा, मी नेहमीच प्रयत्न केला आहे. म्हणून मागील तीस वर्षांपासून अंबाजोगाईतील जनतेचा विश्वास, सहकार्य आणि आपले सर्वांचे नेते राज्याचे लोकप्रिय उपमुख्यमंत्री आदरणीय दादासाहेब यांचे आशीर्वाद आम्हाला मिळत आहेत. त्यामुळे आपण पुर्वीप्रमाणेच यापुढे ही अंबाजोगाई शहराच्या सर्वांगिण विकासासाठी आम्हाला ताकद द्यावी, विकास कामांना भरीव निधी द्यावा अशी विनंती करून अजितदादांकडे बुट्टेनाथ साठवण तलाव मान्यता, एमआयडीसी औद्योगिक प्रकल्प इंडस्ट्रियल पार्क मंजुरी, काळवटी साठवण तलाव उंची वाढविण्यासाठी निधी. स्थानिकांना रोजगार उपलब्ध करून देण्यासाठी मोठा प्रकल्प आणि निधी. प्रशस्त रस्ते, पाणी, वीज, सांडपाणी व्यवस्थापन यासाठी भरीव निधी द्यावा यासह विविध मागण्या करून आगामी काळात अंबाजोगाई शहराचा चेहरा-मोहरा बदलण्यासाठी काय काय करणार याची रूपरेषा उपस्थित जनसमुदायासमोर ठेवली. तसेच अंबाजोगाई नगरपरिषदेसाठी आम्ही आपल्या नेतृत्वाखाली व माध्यमातून जे-जे काही चांगले आणि भरीव काम करता येईल ते-ते करण्याचा आमचा प्रामाणिक प्रयत्न राहील अशी आपणांसह उपस्थित सर्वांना ग्वाही दिली. आपण बीड जिल्ह्याचे पालकमंत्री, राज्याचे अर्थमंत्री आहात. अंबाजोगाई शहर हे आपल्या नेतृत्वाला मानणारे शहर आहे. त्यामुळे आगामी काळात बारामतीच्या धर्तीवर अंबाजोगाईचा विकास करण्यासाठी आपण आम्हाला ताकद द्यावी अशी विनंती केली. तसेच आमच्या समोरचे विरोधक हे मागीन 30 वर्षांहून अधिक काळ आमदार, मंत्री पद भुषविणारे आहेत. मागील 25 वर्षांत त्यांनी कधी अंबाजोगाई नगरपरिषदेला साधा एक रूपयाचा निधी दिला नाही, कोणता ही विकास प्रकल्प शहरात आणला नाही. फक्त पैसे वाटणे, जनतेची व नेतृत्व यांची दिशाभूल करून विरोधकांनी निवडणूका जिंकल्या आहेत. सध्या नगरपालिका निवडणूकीत विरोधी उमेदवाराने सर्व शासकीय यंत्रणांना दबावाखाली घेऊन विरोधकांना बघून घेतो, धमकावणे असे प्रकार सुरू केले आहेत. यामुळे विरोधी उमेदवारामुळे अंबाजोगाई शहरात भितीचे व दहशतीचे वातावरण निर्माण झाले आहे. त्यामुळे दादासाहेब आपण अंबाजोगाई शहराला दहशतमुक्त करण्यासाठी लोक विकास महाआघाडीला आशीर्वाद द्यावा ही विनंती राजकिशोर (पापा) मोदी यांनी उपस्थित जनसमुदायाला केली. जनतेने त्याचे स्वागत करून उत्स्फूर्त प्रतिसाद दिला. जाहीर सभेसाठी अंबाजोगाई शहरातील विविध प्रभागातून ज्येष्ठ नागरिक, युवक, महीला व लोकविकास महाआघाडीचे सर्व मित्र पक्ष, संघटना यांचे पदाधिकारी व कार्यकर्ते प्रचंड संख्येने उत्स्फूर्तपणे वाजत गाजत, घोषणा देत सभास्थळी पोहोचले. सभेचे सुञसंचालन अनंत कांबळे यांनी केले. तर उपस्थितांचे आभार डॉ.राजेश इंगोले यांनी मानले.
About the Author
