*लोक विकास महाआघाडीच्या राजकिशोर मोदींसह सर्वच उमेदवारांना मिळतोय मतदारांचा आशीर्वाद*
अंबाजोगाई (प्रतिनिधी)
अंबाजोगाई नगरपरिषद निवडणुकीत राष्ट्रवादी काँग्रेस पार्टी (अजित पवार गट), राष्ट्रवादी काँग्रेस पार्टी (शरदचंद्र पवार), समाजवादी पार्टी, रिपाइं आठवले गट, मनसे तसेच विविध मित्र पक्ष आणि संघटना पुरस्कृत लोक विकास महाआघाडीच्या नगराध्यक्ष तसेच शहरातील १५ प्रभागातील ३१ उमेदवारांच्या प्रचारार्थ सोमवार, दि.२४ नोव्हेंबर रोजी आयोजित सभेत बोलताना सुप्रसिद्ध मानसोपचार तज्ज्ञ डॉ.राजेश इंगोले यांनी पापा मोदी हे अंबाजोगाईच्या विकासाचा, विश्वासाचा ब्रँण्ड आहेत. त्यामुळे सुजाण मतदारांनी लोक विकास महाआघाडीच्या राजकिशोर मोदींसह सर्वच उमेदवारांना आपला मतदानरूपी आशीर्वाद देवून प्रचंड मतांनी विजयी करावे असे आवाहन केले.
लोक विकास महाआघाडीच्या नगराध्यक्ष तसेच शहरातील १५ प्रभागातील ३१ उमेदवारांच्या प्रचारार्थ सोमवार, दि.२४ नोव्हेंबर रोजी आयोजित सभेत बोलताना सुप्रसिद्ध मानसोपचार तज्ज्ञ डॉ.राजेश इंगोले यांनी सांगितले की, पापा मोदी हे अंबाजोगाईच्या विकासाचा ब्रँण्ड आहेत. प्रलोभन, आमिष यांना बळी पडून काही जणांनी बेडूक उड्या मारल्या आहेत. गद्दार कोणाचेच नसतात. ज्यांच्याकडे गेले त्यांचेही ते होवू शकत नाहीत. नेते गेले पण, जनता आमच्या सोबत आहे. दादांनी पापासेठ यांना शब्द दिलाय की, अंबाजोगाईच्या विकासाला निधीची कमतरता पडू देणार नाही. अंबाजोगाईला बारामती सारखे सुजलाम सुफलाम शहर करायचे असेल तर आपण सर्वांनी पापासेठ यांना सहकार्य करावे, मतदानरूपी आशीर्वाद द्यावेत. लोक विकास महाआघाडीच्या सर्वच उमेदवारांना निवडून द्यावे. २०११ साली अंबाजोगाई विकास आघाडी असतानाही जनतेने पूर्ण बहुमताचा आशीर्वाद पापा मोदींना दिला होता. तेव्हाही सभेला आजच्यासारखी रेकॉर्ड ब्रेक गर्दी झाली होती. यावेळी देखील लोक विकास महाआघाडीच्या सर्वच उमेदवारांना प्रचंड मतांनी निवडून द्यायचे आहे. राजकिशोर मोदींनी मागील २५ वर्षे या गावाचा कायापालट केला, विकास केला. शहरात शांतता, सामाजिक एकोपा, सौहार्द टिकून ठेवला. म्हणून अंबाजोगाईच्या सारस्वत, बुद्धिवंत लोकांनी मोदींवर कायम विश्वास ठेवला आहे. अंबाजोगाई ही सांस्कृतिक व शैक्षणिक नगरी आहे. त्यामुळे या नगरीतील सर्वसामान्य जनतेचा विश्वास पापा मोदी या नांवावर आहे. म्हणून २५ वर्षे सातत्याने अंबाजोगाईकर मोदींना निवडून देत आले आहेत. पापा मोदी हे केवळ नांवच नाही तर तो एक विकासाचा, विश्वासाचा ब्रँण्ड आहे. विकास, विकास, विकास काय असतो. तर विकास एका रात्रीत होत नाही. बदलत नाही. तो जादूची कांडी नाही. पापा मोदींनी अंबाजोगाईचा विकास हा मागील २५ वर्षांत टप्पे टप्प्याने केला आहे. पापा मोदींना अंबाजोगाईकर पुढील कारणांमुळे निवडून देत असावेत असे मला वाटते. त्यांची स्वच्छ प्रतिमा, मोदींवरील एकही भ्रष्टाचाराचा आरोप विरोधक अद्याप सिद्ध करू शकले नाहीत. तरीही त्यांच्याविषयी अपप्रचार करतात. पापा मोदींच्या चांगल्या कामाची दखल म्हणून अंबाजोगाईकर त्यांना सतत निवडून देतात. त्यामुळेच डॉक्टर, प्राध्यापक, इंजिनियर, शेतकरी, हमाल, मजूर सर्वजण मोदींच्या पाठीशी खंबीरपणे उभे राहतात. जनतेचा समस्या सोडविण्याचे कसब पापा मोदींकडे आहे. मागील चार वर्षे प्रशासकाच्या माध्यमातून विद्यमान आमदारांनी शहर बरबाद करणारा विकास केला आहे. अंबाजोगाईतील रस्ते वर आणि देऊळ, मशिदी व घरे खाली गेली आहेत. पावसाचे पाणी थेट घरांत जात आहे. हा विकास असतो का..? आता अंबाजोगाईकर जनतेने विचार करण्याची वेळ आली आहे. रस्ते नालीच्या कामासाठी कोट्यावधी रूपये आले. पण, या विकास कामात ५० टक्के पार्टनरशिप कोणाची आहे..? स्वच्छता कर्मचाऱ्यांचे पगार वेळेवर होत नाहीत. हे मोठे दुर्दैव आहे. म्हणून योग्य निर्णय घ्या, नाही तर पुढे पाच वर्षे हेच सहन करावे लागेल. पश्चाताप करण्याची वेळ येईल. म्हणून लोक विकास महाआघाडीचे नगराध्यक्षपदासाठी असलेले उमेदवार राजकिशोर मोदी व त्यांच्या नगरसेवक पदासाठी उभे असलेल्या सर्व ३१ उमेदवार सहकाऱ्यांना आपण प्रचंड मतांनी निवडून द्यावे. लोक विकास महाआघाडीचे उमेदवार उच्चशिक्षित, सेवाभाव जपणारे, जाणकार, तरूण आहेत. पाच वर्षांसाठीचे भविष्य सुरक्षित करून ठेवा. जनतेने ही निवडणूक हातात घेतली आहे. ३० वर्षे आमदार, कॅबिनेट मंत्रीपद असणाऱ्या विरोधकांना त्यांच्या प्रभागात उमेदवार मिळू नयेत व आमचे कार्यकर्ते फोडून त्यांना उमेदवारी देण्याची वेळ त्यांच्यावर आली आहे. ही त्यांची मोठी नामुश्की आहे. त्यांच्या राजकारणाची शोकांतिका आहे. त्यामुळे इथेच त्यांचा पहिला पराभव झाला आहे असे मी मानतो असे सांगून समायोचित शेरोशायरी व बंडखोरी करणारांवर परखड, मार्मिक व नेमके भाष्य करून डॉ.राजेश इंगोले यांनी जाहीर सभा गाजवली. उपस्थितांना मंत्रमुग्ध केले. उपस्थित जनतेने देखील त्यांच्या प्रत्येक वाक्याला आणि शेरोशायरीला उत्स्फूर्त दाद दिली. यावेळी सभेच्या अध्यक्षस्थानी ज्येष्ठ संपादक प्रा.नानासाहेब गाठाळ हे होते, तसेच व्यासपीठावर लोक विकास महाआघाडीच्या नगराध्यक्षपदाचे उमेदवार राजकिशोर मोदी तसेच शहरातील १५ प्रभागातील ३१ उमेदवार यांच्यासह रमेशराव आडसकर, माजी आमदार पृथ्वीराज साठे, जिल्हाध्यक्ष ऍड.राजेश्वर चव्हाण, राजेसाहेब देशमुख, डॉ.नरेंद्र काळे, बबनराव लोमटे, दत्तात्रय पाटील, कल्याण आखाडे, तालुकाध्यक्ष राजाभाऊ औताडे, रिपाइंचे महेंद्र निकाळजे, समाजवादी पार्टीचे ऍड.शिवाजी कांबळे, मनसेचे सुनील जगताप, तालुकाध्यक्ष अमरराव देशमुख, शेख मुख्तार, दिनकर जोशी, लोक विकास महाआघाडीचे अध्यक्ष ऍड.अनिल लोमटे, विशाल जाजू, राजपाल लोमटे, ऍड.विष्णुपंत सोळंके, गोविंद देशमुख, ऍड.दयानंद लोंढाळ, सुनील वाघाळकर, सतिशराव लोमटे, संजिवनीताई देशमुख, अमृताताई काळदाते, बालासाहेब शेप, अशोक पालके, रशीदभाई, अंकुश ढोबळे, राजवर्धन दौंड, प्रवीण जायभाय तसेच नगरसेवकपदाचे उमेदवार इस्माईल हिरू गवळी, मनोज लखेरा, दिनेश भराडीया, जयश्री पृथ्वीराज साठे, राजश्री अशोक मोदी, संगीता दिलीप काळे, संकेत मोदी, श्रुती अमोल लोमटे, शेख रिजवाना अहेमद, शहेबाज म.फारूख मनियार, लक्ष्मीबाई महादेवराव हेडे, महेश कदम, शेख शिरीन आशफाक, महेश बालासाहेब लोमटे, मालू भगवान जोगदंड, संगीता दाजीसाहेब लोमटे, आकाश जीवनराव कराड, क्रांती श्रेयस गोस्वामी, हिराबाई रमण सोनवळकर, दीपा दाजीसाहेब लोमटे, सय्यद ताहेर अब्दुल गफार, सोनी दत्तात्रय सरवदे, शेख शमीम शेख रहीम, सय्यद बशीरा शफीक, राजपाल संभाजी जावळे, नाजनीन बेगम अकबरखां पठाण, ज्योती विशाल पोटभरे, नजीर उमरदराजखान पठाण, रेखा विलास जाधव, विकास रामकृष्ण काकडे यांची प्रमुख उपस्थिती होती. सभेचे सुञसंचालन अनंत कांबळे यांनी केले. तर उपस्थितांचे आभार डॉ.राजेश इंगोले यांनी मानले.
About the Author
