अंबाजोगाई (प्रतिनिधी)
लोक विकास महाआघाडीचे अंबाजोगाई नगराध्यक्षपदाचे उमेदवार राजकिशोर मोदी, डॉ.नरेंद्र काळे यांनी शनिवारी शहरातील प्रभाग क्रमांक ४ मध्ये नागरिकांच्या घरोघरी जाऊन गाठीभेटी घेऊन झंझावाती प्रचार केला. कॉर्नर बैठक घेतली. या बैठकीत त्यांनी सदरील प्रभागातील आपले सहकारी उमेदवार सौ.श्रुती अमोल लोमटे व महेश बालासाहेब लोमटे यांना मतदानरूपी आशीर्वाद देवून विजयी करण्याचे आवाहन केले. सुरूवातीला त्यांनी प्रभागातील मतदारांच्या घरोघरी जाऊन त्यांच्या गाठीभेटी व आशीर्वाद घेतले. जागोजागी पापा मोदींच्या ‘कपबशी’ला जनतेतून मोठी पसंती, आशीर्वाद, समर्थन, पाठिंबा व उत्स्फूर्त प्रतिसाद मिळत आहे.
अंबाजोगाई शहरातील प्रभाग क्रमांक ४ मधील सर्व मतदारांना सहकार्य करण्याची व मतदानरूपी आशिर्वाद देण्याची साद राजकिशोर मोदी, डॉ.नरेंद्र काळे व त्यांच्या सहकारी उमेदवारांनी घातली. याप्रसंगी नगराध्यक्ष पदाचे उमेदवार राजकिशोर मोदी यांच्या समवेत खडकपुरा प्रभाग क्रमांक 4 मधील लोकविकास महाआघाडीचे नगरसेवक पदाचे उमेदवार सौ.श्रुती अमोल लोमटे व महेश बालासाहेब लोमटे यांच्यासह डॉ.राजेश इंगोले, हरिश्चंद्रकाका लोंढाळ, रामभाऊ गाढवे, दाजीसाहेब (बाबा) लोमटे, किसनराव भोसले आदी मान्यवर व कार्यकर्ते यांच्यासह प्रभागातील अनेक युवा सहकारी सोबत होते. प्रभागातील या भेटी दरम्यान राजकिशोर मोदी, डॉ.नरेंद्र काळे व त्यांच्या सहकाऱ्यांचे मतदारांकडून उत्स्फूर्तपणे स्वागत केल्या जात होते. त्याच बरोबर जागोजागी सुवासिनींकडून औक्षण देखील केल्या जात होते. यावरून राजकिशोर मोदी यांच्या प्रति सर्वधर्मीय मतदारांचा विश्वास, आपुलकी व प्रेम दिसून येत होते. अंबाजोगाई शहराचा मोदी कुटुंबियांवर विश्वास आहे. जनतेचे सहकार्य व आशीर्वादामुळे राजकिशोर मोदी हे सातत्याने अंबाजोगाई नगरपरिषदेच्या माध्यमातून शहर वासीयांची सेवा करीत आहेत. मोदी हे शैक्षणिक, सामाजिक व सांस्कृतिक चळवळीत आपला सक्रिय सहभाग घेऊन त्यातून त्यांनी युवकांची एक नवीन फळी तयार केली आहे. गणेशोत्सव काळात अंबाजोगाई शहरातील गणेश मंडळाच्या ढोल ताशा वाद्य स्पर्धा घेऊन अंबाजोगाईचे ढोल पथक साऱ्या महाराष्ट्रभर पोहचविले आहे. त्याचबरोबर नवरात्र उत्सवात दांडिया स्पर्धेची उत्कृष्ट अशी स्पर्धा आयोजित करून येथील महिला, युवक व युवतींना एक व्यासपीठ निर्माण करून दिले आहे. या स्पर्धांच्या माध्यमातून मोदी हे अंबाजोगाई शहरातील घराघरात पोहचले आहेत. अंबाजोगाई नगरपरिषदेच्या निवडणूक प्रचारादरम्यान राजकिशोर मोदी हे त्यांनी आजपर्यंत केलेल्या विकासकामांच्या बळावरच यापुढेही मतदानरूपी आशिर्वाद मागत आहेत. अंबाजोगाई शहर हे एक कुटुंब म्हणून आपण काम केले असून येथील नागरिकांनी देखील भक्कम अशी साथ दिली आहे. यापुढेही शहराच्या सर्वांगीण विकासासाठी राजकिशोर मोदी व त्यांच्या संपूर्ण सहकार्यांना पाठबळ देण्याचे आवाहन या प्रचारादरम्यान डॉ.नरेंद्र काळे, डॉ.राजेश इंगोले व ऍड.दयानंद लोंढाळ हे मतदारांना करीत आहेत. मतदार देखील खंबीरपणे मोदी कुटुंबाच्या पाठीशी राहण्याचे अभिवचन देतांना दिसून येत आहेत. अंबाजोगाईतील प्रत्येक प्रभागात पापा मोदींच्या ‘कपबशी’ कडे जनतेचा ओढा दिसून येत आहे. तसेच प्रभाग क्रमांक ४ मधील लोक विकास महाआघाडीचे उमेदवार सौ.श्रुती अमोल लोमटे व महेश बालासाहेब लोमटे यांना मतदारांचा आशिर्वाद आणि मोठे समर्थन मिळत आहे. शहरातील आठरापगड जाती धर्मातील मतदार, बारा बलुतेदार समाज बांधव, नवयुवक, महिला व जेष्ठ नागरिक यांच्याकडून मिळत असलेले प्रेम, आशीर्वाद पाहून मोदी व त्यांचे सहकारी भारावून जात आहेत.
About the Author
