राष्ट्रवादी शरदचंद्र पवार गटाकडून परळी विधानसभा मतदारसंघातून राजेसाहेब देशमुख यांना उमेदवारी जाहीर करण्यात आली आहे. तर माजलगाव मतदारसंघातून मोहन जगताप यांना उमेदवारी जाहीर करण्यात आली आहे.

राजेसाहेब देशमुख हे जिल्हा परिषदेचे माजी शिक्षण सभापती होते. आता परळी मतदारसंघात महायुतीकडून धनंजय मुंडे तर महाविकास आघाडीकडून राजेसाहेब देशमुख यांच्यात लढत होणार आहे.

माजलगाव मतदारसंघात महायुतीकडून प्रकाश सोळंके तर महाविकास आघाडीकडून मोहन जगताप यांच्यात लढत होणार आहे.

दरम्यान मागील काही दिवसांपासून माजलगाव आणि परळी मतदारसंघात कोणाला उमेदवारी मिळणार याबाबत चर्चा होती मात्र आता या चर्चेला विराम मिळाला आहे