धाराशिव (प्रतिनिधी )

   तुळजापूर तालुक्यातील बाभळगाव येथे  एका पुलाखाली तीन मृतदेह आढळून आले आसून यात 1 महिला व 2 पुरुष मृतदेहाचा समावेश असल्याची माहिती पुढे आली आहेत.

   या घटनेमुळे परिसरात एकच खळबळ उडाली आहे. दरम्यान घटनेची माहिती मिळताच पोलिसांनी घटनास्थळी भेट देत कारवाई सुरू केली आहे. सध्या पोलिसांनी तीनही मृतदेह वर काढले असून पुढील तपास सुरू केला आहे.

घातपात की अपघात? पोलिसांकडून तपास सरू

पुढे आलेल्या प्राथमिक माहितीनुसार, आढळून आलेल्या मृतदेहावरून पोलिसांनी असा अंदाज लावला आहे की हे तीनही मृतदेह तीनदिवसांपूर्वी पाण्यात पडले असावे. दरम्यान ही घटना घातपात आहे की अपघात याचा पोलीस तपास करत आहे. पोलिसांनी केलेल्या तपासात पुरुषाचा मृतदेह बाहेर काढला असता त्याची ओळख पटली असून हे सर्वजण मुरूम येथील आनंदनगर येथील रहिवासी आहेत. सर्वजण दुचाकीवर प्रवास करत असल्याची प्राथमिक माहिती पुढे आली आहे. दरम्यान पाण्यातून दुचाकी देखील बाहेर काढण्यात आली आहे. ही घटना सोलापूर-हैदराबाद महामार्ग क्रमांक 65 वर बाबळगाव गावाजवळ घडली आहे. यावेळी बघ्यांनी एकच गर्दी केल्याने काही काळ वाहतूकही विस्कळीत झाली होती. सध्या पोलीस या घटनेचा अधिक तपास करत आहे. मात्र या घटनेमुळे परिसरात एकच खळबळ उडाली आहे.