धाराशिव प्रतिनिधी :
तुळजापूर तालुक्यातील तामलवाडी येथील आई आणि काका यांच्या प्रेमसंबंधांची माहिती वडिलांना पोहोचवत असल्याच्या रागातून काकानेच आपल्या १३ वर्षीय पुतण्याचा खून केल्याची धक्कादायक घटना समोर आली. ओमकार कांबळे असं आरोपीचे नाव असून तो आपल्या भावजय सोबत सालगडी म्हणून काम करत होता. त्या दोघातील प्रेम संबंधांची कृष्णाला माहिती होती. याबाबत वडिलांना माहिती दिल्याच्या रागातून त्याचा खून करून मृतदेह फेकून देण्यात आला. या प्रकरणी २४ तासात आरोपीच्या पोलिसांनी मुसक्या आवळल्या.
अधिक माहितीनुसार, अनैतिक संबंधात अडसर ठरत असलेल्या तेरा वर्षीय पुतण्याचा कुऱ्हाडीने घाव घालून खुन केल्याची धक्कादायक घटना तुळजापूर तालुक्यातील तामलवाडी पोलीस ठाण्याच्या हद्दीत उघडकीस आली आहे. याप्रकरणी या घटनेचा तपास करून आरोपी चुलत्यास पोलिसांनी २४ तासाच्या आत अटक करून खुनाचा गुन्हा दाखल केला आहे. या घटनेमुळे परिसरात खळबळ उडाली आहे.या घटनेबाबत पोलिसांकडून मिळालेल्या माहितीनुसार,दिर भावजयी यांच्यात अनैतिक संबंध होते, त्या संबंधास अडसर ठरणाऱ्या १३ वर्षीय मुलाचा चुलत्याने कुऱ्हाडीने घाव घालून संपवलं. मुलाचं प्रेत तलावाजवळ गवताखाली फेकून दिलं. ही घटना तामलवाडी साठवण तलावा जवळ सोमवार (दि.५) जानेवारी रोजी उघडकीस आली. यावर तामलवाडी पोलीसांनी गुन्हा नोंदवला होता.
सोलापुर धुळे राष्ट्रीय महामार्गावर तामलवाडी शिवारात कदम यांची शेती आहे, ती शेती दत्ता कोरे हा बटईने करत होता. सदर ठिकाणी उमरगा तालुक्यातील कोळसुर येथील ओमकार देवीदास कांबळे हा भावजयीला घेवून सालगडी म्हणून कामास होता. भावजयी ज्योती कांबळे हीचा १३ वर्ष वयाचा मुलगा कृष्णा सदानंद कांबळे हा कधी वडीलाकडे गावी तर कधी त्यांच्यासोबत राहायचा. मुलगा कृष्णा हा चुलता व आई यांच्या अनैतिक संबधाची माहिती वडीलांना सांगत होता.
कृष्णा कांबळे हा दिर भावजयीच्या अनैतिक संबधात अडसर ठरू लागला होता. कृष्णा सर्व माहीती आपल्या भावाला सदानंद कांबळे याला सांगतो याचा राग आरोपी ओमकार कांबळे याला आल्याने त्याने चिडून ०१ जानेवारी रोजी दुपारी १२.00 च्या सुमारास तामलवाडी साठवण तलावामधील पाणी उपसा करणाऱ्या विद्युत पंम्पाचा पाईप बसवायचा म्हणून तलावाच्या परिसरात कृष्णाला घेवून गेला. ओमकार कांबळे याने कृष्णा कांबळेवर कुऱ्हाडीचा घाव घालून संपवलं, त्यानंतर प्रेत गवतामधे फेकुन दिलं आणि तो तेथुन पसार झाला होता. तामलवाडी पोलीसांनी पहिल्यांदा अकस्मात मृत्युची नोंद केली, त्यानंतर तपासात मयताची ओळख पटवून गुन्हा दाखल करुन तांत्रीक विश्लेषनावरुन ओमकार देविदास कांबळे याचा शोध घेवून उमरगा तालूक्यातील काळसुर गावातून ताब्यात चौकशी केली, त्यावेळी त्याने हा गुन्हा केल्याचा कबुली जबाब दिला आहे.
About the Author
