मुंबई :
राज्यातील लाडक्या बहि‍णींसाठी आदिती तटकरेंनी खुशखबर दिली आहे.लाडकीच्या खात्यात आजपासून १५०० रूपये येण्यास सुरूवात झाली आहे. मंत्री आदिती तटकरे यांनी याबाबत ट्वीट करत माहिती दिली आहे. पुढील दोन ते तीन दिवसांत राज्यातील पात्र लाडक्या बहिणीच्या खात्यात सन्मान निधी वर्ग केला जाईल, असे तटकरेंनी सांगितले आहे.
लाडकी बहीण योजनेच्या सप्टेंबरच्या हप्त्यासाठी सरकारकडून निधी वर्ग करण्यात आला आहे. सप्टेंबर महिन्याचे १५०० रूपये येणार, याबाबत माहिती अधिकृत माहिती देण्यात आली आहे. मात्र, ऑक्टोबरच्या हप्त्याबाबत कोणतीही अपडेट समोर आलेली नाही. दिवाळीच्या तोंडावर लाडक्या बहिणीच्या खात्यात १५०० रूपये जमा होणार आहेत. त्यामुळे राज्यातील महिलांची दिवाळी होड होणार आहे.
मुख्यमंत्री माझी लाडकी बहीण योजनेच्या सर्व पात्र लाभार्थ्यांना सप्टेंबर महिन्याचा सन्मान निधी वितरित करण्याच्या प्रक्रियेस सुरुवात होत आहे. लवकरच योजनेतील सर्व पात्र लाभार्थ्यांच्या आधार संलग्नित बँक खात्यात सन्मान निधी वितरित होणार आहे. महाराष्ट्रातील माता-भगिनींच्या अखंड विश्वासाने सुरू असलेली सक्षमीकरणाची ही क्रांती यशस्वीरित्या मार्गक्रमण करत आहे. ही वाटचाल अशीच अखंडपणे सुरू ठेवण्यासाठी मागील महिन्यापासून https://ladakibahin.maharashtra.gov.in या संकेतस्थळावर E-KYC सुविधा उपलब्ध करून देण्यात आली आहे. पुढील २ महिन्यांच्या आत सर्व लाडक्या बहिणींनी E-KYC प्रक्रिया पूर्ण करावी असे तटकरेंनी सांगितले आहे.
About the Author
